لى طبيعتك، وبتعرفي تخرجي من أصعب المواقف المحرجة بخفة ډم وذكاء. وتانيًا، إنك مقاتلة، وده باين في سيرتك الذاتية.
كلامه خلاني أحس بدفء غريب في قلبي، وحسيت إن التوتر اللي جوايا بدأ يدوب. ابتسمت وقلت شكرًا جدًا على ثقة حضرتك يا بشمهندس، وأوعدك إني هكون عند حسن ظنك.
بصلي بجدية فجأة وقال الوعد بالكلام سهل يا يارا، أنا بحكم بالفعل. النهاردة عندنا يوم تقيل جدًا. الساعة 11 في اجتماع مجلس إدارة، والساعة 2 في وفد أجنبي جاي يوقع عقود شراكة جديدة، وفي ملفات مناقصة لازم تتراجع وتتطبع قبل الساعة 1.
فتحت الأجندة بسرعة وبدأت أكتب كل كلمة بيقولها. بدأ يديني تعليمات سريعة ومتلاحقة، وأسماء ملفات، وأرقام تليفونات، ومواعيد مكالمات. كنت بكتب بسرعة البرق وبحاول أركز في كل حرف عشان ما أغلطش.
وفجأة، وهو بيتكلم، باب المكتب اتفتح من غير خبط!
دخلت بنت طويلة، لابسة فستان قصير وضيق لونه أحمر ڼاري، وشعرها الأصفر مفرود على كتافها، وريحتها برفان تقيل ملى الأوضة في ثواني! البنت دخلت بدلع واضح، وقربت من مكتب جاسر وهي مبتسمة ابتسامة عريضة وقالت صباح الخير يا جيسو! وحشتني أوي!
اتجمدت
مكاني وأنا ماسكة القلم، وبصيت لجاسر عشان أشوف رد فعله. جاسر ملامحه اتغيرت تمامًا، الحدة والبرود رجعوا لوشه في ثانية، وقال بنبرة جافة صباح الخير يا ريم. مش قولتلك مېت مرة تخبطي قبل ما تدخلي مكتبي؟
ريم ضحكت بدلع وقعدت على طرف مكتبه من غير استئذان، وقالت يا حبيبي إحنا بينا الرسميات دي برضه؟ ده أنا خطيبتك المستقبلية!
ساعتها عيني وقعت على الدبلة السوليتير الضخمة اللي بتلمع في إيدها! خطيبته؟! حسيت بإحساس غريب ومفاجئ… مش فاهمة ليه قلبي انقبض ثانية، بس بسرعة فوقت نفسي! وأنا مالي؟ ده مديري في الشغل، ودي حياته الشخصية!
ريم لفت راسها ناحيتي، وبصتلي من فوق لتحت بنظرة كلها تعالى واستصغار، وسألت جاسر مين دي يا جاسر؟ فين سارة؟
جاسر رد بهدوء وهو بيبص في الورق اللي قدامه دي يارا، مساعدتي التنفيذية الجديدة. ويارا، دي ريم الدسوقي، بنت شريك والدي الله يرحمه.
ريم رفعت حاجبها وقالت بابتسامة صفرا أهلاً يا… يارا. واضح إنك جديدة فعلًا، لسه متعرفيش إن لما أكون موجودة في المكتب، المفروض تسيبينا لوحدنا شوية.
كلامها كان مستفز ومهين جدًا، كأنها بتطردني من الأوضة! بصيت لجاسر
مستنية منه أي إشارة. جاسر رفع عينه وبص لريم بضيق، وبعدين بصلي وقال بنبرة رسمية حاسمة يارا، اتفضلي روحي جهزي ملفات المناقصة اللي قولتلك عليها، وهاتيها الساعة 12 بالظبط.
فهمت إنه بينقذ الموقف وبيخرجني من قدامها بهدوء. هزيت راسي وقلت تحت أمرك يا بشمهندس. وخرجت وقفلت الباب ورايا.
أول ما قعدت على مكتبي بره، أخدت نفس عميق وأنا حاسة بضيق غريب. ريم دي واضح إنها من النوع المتعجرف اللي بيعامل الناس على إنهم خدم عنده. قررت إني أركز في شغلي وبس، وماخليش أي حاجة تشتتني.
بدأت أشتغل بكل طاقتي. راجعت ملفات المناقصة، وظبطت الأرقام، ونسقت الورق، وطبعت النسخ المطلوبة. بعد نص ساعة تقريبًا، باب مكتب جاسر اتفتح، وخرجت ريم وهي باين عليها الضيق الشديد، ووشها أحمر من الڠضب! عدت من قدام مكتبي من غير ما تبصلي حتى، ورزعت باب الجناح الإزاز وهي خارجة!
استغربت جدًا، بس كملت شغلي. بعد دقايق، التليفون الداخلي رن، وكان جاسر بيطلبني أدخل.
دخلت المكتب، لقيته واقف قدام الواجهة الإزاز وباصص على النيل، وحاطط إيده في جيوبه. قلت بهدوء حضرتك طلبتني يا بشمهندس؟
لف ناحيتي، وكان باين عليه
