لفصل الرابع والاخير
أستاذ طارق خرج من الأوضة بسرعة وقفل الباب وراه وهو باين عليه الارتباك الشديد، وسابني لوحدي في مواجهة جاسر الشافعي.
الجو في الأوضة كان مشحون لدرجة إني حسيت إن الهوا اتسحب من صدري. وقفت مكاني وإيدي بتترعش، ببص لجاسر ومستنية حكمه عليا، وأنا متأكدة إن أي راجل في مكانه هيصدق خطيبة المستقبل اللي مامته بتدافع عنها، وهيكدب موظفة لسه متعينة من أسبوعين!
جاسر فضل ساكت ثواني طويلة، عيونه الرمادي بتتنقل بين وشي المخطۏف وبين شاشة اللابتوب المفتوحة قدامه. قرب من مكتبه بخطوات بطيئة، مسك الماوس، وبص في شاشة اللابتوب بتركيز شديد… وبعدين فجأة، طرف شفايفه اترفع بابتسامة باردة ومرعبة في نفس الوقت!
بصلي وقال بصوت هادي جدًا اقعدي يا يارا.
قلت بصوت مهزوز والدموع محپوسة في عيني يا بشمهندس والله العظيم أنا ماكدبتش في حرف واحد! أنا نزلت أمضي ورق التأمين بعد ما أستاذة
نهى اتصلت بيا، ولما طلعت لقيتها واقفة هنا وبتسحب فلاشة من اللابتوب بتاع حضرتك، وملف مناقصة العاصمة كان مفتوح على الشاشة!
جاسر رفع إيده بهدوء عشان يهديني، وقال بنبرة كلها ثقة عارف.
اتجمدت مكاني وبصيتله بعدم تصديق عارف؟! إزاي حضرتك عارف؟!
جاسر سند ضهره على مكتبه، وشبك إيديه قدامه وبصلي بنظرة كلها تقدير وذكاء أولاً، لأن مفيش في مكتبي كله كاميرات مراقبة غير كاميرا واحدة مخفية فوق الخزنة وبتصور المكتب بالكامل بالصوت والصورة، ومربوطة بتليفوني الشخصي مباشرة… وده إجراء أمني أساسي في مكتب رئيس مجلس إدارة شركة تكنولوجيا بحجم شركتي.
فتحت عيني على وسعها من الصدمة! كاميرا مراقبة مخفية؟! يعني كل اللي حصل اتسجل بالصوت والصورة؟!
كمل جاسر كلامه وابتسامته بتزيد حدة وثانيًا، وهو الأهم… إني من أول يوم شوفتك فيه قدام عربيتي وإنتي بتدوري على كرامتك تحت العجل، عرفت إنك بنت جدعة، صريحة،
ومستحيل تكوني كدابة أو خاېنة. بس اللي إنتي ماتعرفيهوش يا يارا… إن دي مش أول مرة تحصل محاولة تسريب لملفات الشركة!
سألته بذهول إزاي؟!
قال بجدية وصرامة الشهر اللي فات خسرنا مناقصة كبيرة جدًا لصالح شركة منافسة في اللحظة الأخيرة، والسبب كان إن أسعارنا اتسربت قبل التقديم بساعات. وقتها شكيت في ناس كتير في الشركة، بس عمري ما تخيلت إن الخېانة جاية من أقرب الناس ليا ومن بيتي!
حطيت إيدي على بقي پصدمة يعني ريم كانت بتسرق الملفات عشان تديها للشركة المنافسة؟! بس ليه؟ دي المفروض خطيبتك ووالدها كان شريك والدك!
ضحك جاسر ضحكة ساخرة ومليانة مرارة عشان أبوها قبل ما ېموت خسر معظم ثروته في البورصة، ومسابش لريم غير الديون والمظاهر الكدابة! وهي ووالدتي كانوا مستعجلين على الجواز عشان أغطي ديونهم وأنقذ شركاتهم من الإفلاس. ولما لقتني بأجل موضوع الخطوبة الرسمية ومش مديها وش، اتفقت مع أكبر منافس
ليا في السوق
