نها تسربله ملفات مناقصة العاصمة مقابل عمولة بملايين!
الدنيا لفت بيا من كمية الخېانة والخبث اللي سمعتها! البنت اللي كانت داخلة الشركة بكل غرور وتعالي، طلعت حرامية وخاېنة وبتبيع الشخص اللي المفروض إنها بتحبه!
جاسر بص في ساعته، وملامحه رجعت للبرود والحسم اللي يليق برجل أعمال مابيرحمش وقت الجد بس هي وقعت في شړ أعمالها. الفولدر اللي كان مفتوح على اللابتوب ده اسمه مشروع العاصمة فعلاً، بس دي نسخة وهمية بأرقام مضړوبة أنا حطيتها كطُعم من أسبوع عشان أوقع الجاسوس! والنسخة الحقيقية متشفرة على السيرفر الرئيسي ومحدش يقدر يوصلها غيري.
بصيتله بإعجاب وانبهار… الراجل ده مش بس وسيم وذكي، ده عبقري وبيفكر لقدام بعشر خطوات!
جاسر مسك تليفونه الشخصي، وفتح تسجيل الفيديو من الكاميرا المخفية، واتفرج عليه ثواني… وكان ظاهر فيه بوضوح صوت ريم وهي بتهددني، وإيديها وهي بتسحب الفلاشة من اللابتوب وبتحطها
في شنطتها!
بصلي جاسر وقال بنبرة حاسمة النهاردة بالليل في عزومة عشا كبيرة في فيلا والدتي، وحضرتك معزومة معايا.
اټخضيت وقلت بسرعة أنا؟! أروح فيلا والدتك؟! دي طردتني بنظراتها من الشركة النهاردة يا بشمهندس، لو شافتني هناك هتطردني بالبوليس!
ابتسم جاسر ابتسامة جانبية واثقة وقال محدش يقدر يبصلك نص بصة وإنتي معايا يا يارا. وكمان… لازم تكوني موجودة عشان تاخدي حقك قدام الكل، زي ما اتهانتي قدام الكل. اعتبري ده أمر إداري تاني!
الساعة 8 بالليل، كنت واقفة قدام باب عمارتي وأنا لابسة فستان سهرة بسيط وأنيق جدًا لونه كحلي غامق بكمام شيفون رقيقة، كنت اشتريته من أول سلفة أخدتها من الشركة، وفردت شعري الأسود الطويل على ضهري، وحطيت مكياج هادي جدًا أبرز ملامحي.
العربية المرسيدس السودا وقفت قدام العمارة، ونزل منها جاسر بنفسه! كان لابس بدلة سهرة سودا شيك جدًا ټخطف الأنفاس، وأول ما شافني خارجة من
باب العمارة، وقف مكانه ثواني وعينه الرمادي اتسعت بإعجاب واضح وصريح خلى وشي يولع من الكسوف!
فتحلي باب العربية بنفسه وقال بصوت واطي ودافي إنتي متأكدة إنك البنت اللي كانت بتطلع السبانخ من سنانها قدام الإزاز ده من أسبوعين؟
ضحكت من قلبي وقلت وأنا بركب العربية ممكن تنسى الموقف ده بقى يا بشمهندس؟ ده بقى ماضي أليم!
ركب جنبي في الكنبة الخلفية، والعربية اتحركت ناحية منطقة التجمع الخامس. طول الطريق، جاسر كان بيحاول يطمني ويهزر معايا عشان يفك التوتر اللي جوايا، بس أول ما العربية دخلت من بوابة القصر الضخم بتاع عيلة الشافعي، قلبي رجع يدق بسرعة رهيبة!
القصر كان أشبه بقصور الأفلام، جنينة واسعة مليانة أنوار، وعربيات فخمة راكنة في كل مكان. نزلنا من العربية، وقبل ما ندخل من باب القصر الرئيسي، جاسر وقف وبصلي، ومد إيده ليا بهدوء وقال خليكي واثقة في نفسك، وإيدك في إيدي. النهاردة الحقيقة هتبان
للكل.
حطيت
