إيدي في إيده الدافية، وحسيت بأمان غريب سري في جسمي كله، ومشيت جنبه بخطوات ثابتة وواثقة.
دخلنا الصالون الرئيسي الكبير… وكانت فريدة هانم قاعدة في الصدر، وجنبها ريم اللي كانت لابسة فستان سهرة فخم وبتضحك بدلع مع شوية ضيوف من عيلتها ومن كبار رجال الأعمال.
أول ما باب الصالون اتفتح ودخلت أنا وجاسر… الضحك وقف تمامًا، والهمس ملى المكان كله!
ريم أول ما شافتني داخلة جنب جاسر، كاس العصير اللي في إيدها وقع على الأرض واتكسر مېت حتة! ووشها اتخطف وبقى لونه أصفر زي الليمون! أما فريدة هانم، فقامت وقفت من مكانها وهي بتبصلي بنظرة كلها ڠضب وصدمة، وقربت من جاسر وقالت بصوت واطي لكنه مليان غيظ إيه اللي إنت عامله ده يا جاسر؟! إزاي تجيب السكرتيرة دي لحد بيتي بعد اللي عملته مع ريم النهاردة في الشركة؟!
جاسر بص لمامته بهدوء مرعب، وبعدين بص للضيوف الموجودين في الصالون، وقال
بصوت عالي ومسموع للكل مساء الخير جميعًا. سعيد جدًا إنكم موجودين النهاردة، خصوصًا أستاذ محمود الدسوقي عم ريم، وأستاذة فريدة والدتي… لأن في موضوع مهم جدًا لازم يتحسم الليلة دي قدامكم كلكم.
ريم حاولت تتماسك بسرعة، وقربت من جاسر وهي بتمثل البراءة وقالت جاسر، لو جايبها عشان تعتذرلي قدام الناس على قلة أدبها النهاردة في مكتبك، فأنا مسامحاها عشان خاطرك، بس طبعًا مش هتفضل في الشركة يوم واحد زيادة!
جاسر بص لريم بنظرة كلها احتقار واشمئزاز، وضحك ضحكة قصيرة خلت ريم تتوتر وترجع خطوة لورا. قال جاسر بصوت حاسم الحقيقة يا ريم، أنا جايب يارا النهاردة مش عشان تعتذرلك… أنا جايبها عشان تشوف بعينها إزاي الحقيقة بتنتصر دايمًا، وعشان كلكم تعرفوا مين اللي يستاهل يمشي ومين اللي يستاهل يتحاسب!
فريدة هانم قالت بحدة جاسر، إنت بتقول إيه؟ إنت اټجننت؟!
جاسر ماردش على مامته، وطلع
تليفونه الشخصي، ووصله بشاشة العرض الضخمة الموجودة في الصالون… وفي ثواني، الفيديو اللي اتسجل في مكتب جاسر النهاردة العصر اتعرض قدام عيون الكل! صوت ريم وهي بتهددني، وشكلها وهي بتتسلل لمكتب جاسر، وإيديها وهي بتسحب الفلاشة من اللابتوب وتحطها في شنطتها… كله كان واضح وضوح الشمس!
الصالون كله اتقلب في لحظة! شهقات الصدمة ملت المكان، وعم ريم حط وشه في الأرض من الكسوف والڤضيحة، وفريدة هانم قعدت على الكرسي وراها وهي ماسكة قلبها ومش مصدقة اللي بتشوفه!
ريم صړخت پجنون وهي بتحاول تبرر ده… ده فيديو متفبرك! هي اللي عملت كده عشان توقع بينا! إنت بتصدق حتة موظفة وتكدبني أنا يا جاسر؟!
جاسر قرب منها خطوة، وعيونه الرمادي كانت زي الڼار، وقال بصوت واطي ومخيف الفلاشة اللي في شنطتك دلوقتي عليها بصماتك، ومكالماتك اللي اتسجلت مع مدير الشركة المنافسة من ساعة فاتت عشان تبيعي
له ملفات شركتي
