معايا نسخة منها… ولو ماكنتش عامل حساب لعشرة والدك الله يرحمه مع والدي، كان زمانك دلوقتي في قسم الشرطة بتتحاسبي پتهمة السړقة والتجسس الصناعي!
ريم اټرعبت وبدأت ټعيط باڼهيار وتترجاه جاسر أرجوك… أنا كنت محتاجة الفلوس عشان ديون بابا، سامحني أرجوك!
جاسر بص لعمها وقال بحزم خد بنت أختك وامشوا من هنا حالاً يا أستاذ محمود. موضوع الجواز ده انتهى للأبد، وأي تعامل تجاري بين شركاتنا اتلغى من اللحظة دي.
عم ريم سحب ريم من دراعها وهي مڼهارة من العياط والڤضيحة، وخرجوا من القصر وسط نظرات الاحتقار من كل الموجودين!
بعد ما خرجوا، الصمت خيم على المكان لثواني… وبعدين فريدة هانم قامت من مكانها ببطء، وقربت مني وهي باين عليها الإحراج الشديد والندم. بصتلي وقالت بصوت هادي ومكسور لأول مرة أنا… أنا آسفة يا بنتي. ظلمتك واتهمتك بالباطل، وكنت عميانة عن الحقيقة. حقك عليا.
ابتسمت باحترام وقلت بهدوء مفيش داعي للاعتذار يا فندم، أي أم في مكان حضرتك كانت هتصدق اللي اتقالها. المهم إن الحقيقة بانت.
فريدة هانم ابتسمتلي بتقدير حقيقي، وبصت لجاسر وقالت بصراحة يا جاسر، لأول مرة أشوفك بتختار صح بقلبك وعقلك سوا.
بصيت لجاسر باستغراب لما سمعت جملة مامته،
لقيته بيبصلي بنظرة دافية جدًا ومليانة مشاعر عمره ما خباها!
بعد ما العشا خلص والضيوف مشيوا، جاسر أخدني نتمشى شوية في جنينة القصر الهادية تحت نور القمر. النسيم كان لطيف، وصوت المية في النافورة كان مريح للأعصاب. كنت حاسة إني أخيرًا اتنفس الصعداء، وإن كل الكوابيس اللي عشتها انتهت للأبد.
فجأة، جاسر وقف قدامي، ولف ناحيتي، وحط إيده في جيوبه وبصلي بابتسامته الجانبية اللي بټخطف قلبي كل مرة، وقال مبروك يا أستاذة يارا… أخدتي حقك تالت ومتلت.
ابتسمت وقلت شكرًا ليك بجد يا بشمهندس. لو مكنتش واثق فيا ومصدقني، مكنتش عرفت أعمل حاجة النهاردة.
قرب مني خطوة، وصوته بقى أهدى وأعمق وهو بيبص في عيني مباشرة أنا وثقت فيكي من أول ثانية شوفتك فيها يا يارا. من ساعة ما كنتي واقفة قدام عربيتي بتكلمي نفسك بعفوية وبتقوليلي لو لقيت كرامتي واقعة تحت العربية ابعتها على عنواني!
ضحكت بصوت عالي وغطيت وشي بإيدي يا نهار أبيض! إنت لسه فاكر الجملة دي؟!
مسك إيدي بالراحة ونزلها من على وشي، وفضل ماسكها بإيده الدافية، وبصلي بنظرة خلت قلبي يدق بسرعة البرق عمري ما هنساها… لأن في اللحظة دي بالظبط، إنتي سړقتي قلبي من غير ما تاخدي بالك. يارا، أنا عمري ما حبيت حد
ولا فتحت قلبي لبنت في حياتي، بس إنتي ډخلتي حياتي قلبتيها رأسًا على عقب في أسبوعين بس. أنا عايزك تكملي معايا مش كمساعدة تنفيذية… عايزك تكملي معايا كشريكة حياتي ومراتي.
اتجمدت مكاني ومش مصدقة وداني! جاسر الشافعي… أغنى وأوسم رجل أعمال في
البلد، بيطلب إيدي للجواز؟! دموع الفرحة نزلت على خدي ڠصب عني، وابتسمت وأنا بهز راسي بالموافقة من غير ما أقدر أنطق بكلمة واحدة!
جاسر ابتسم ابتسامة عريضة نورت وشه كله، وحضني بحب وأمان حسسني إني ملكت الدنيا وما فيها، وإني أخيرًا لقيت السند والعيلة والأمان اللي كنت بدور عليهم طول عمري!
بعد سنة واحدة…
كنت واقفة قدام العربية المرسيدس السودا الجديدة بتاعتي، لابسة بدلة شيك جدًا، وماسكه في إيدي شنطة ماركة فخمة، ببص لانعكاسي في الإزاز الغامق اللامع وبظبط شعري… وفجأة، الإزاز بدأ ينزل بالراحة!
ظهر قدامي جاسر، لابس بدلته الرمادي الغامق وابتسامته الساحرة على وشه، وبيقولي محتاجة مراية يا مدام يارا الشافعي، ولا أعمل نفسي مش واخد بالي إني متجوز أجنن وأجمل ست في الدنيا؟
ضحكت من قلبي، وفتحت باب العربية وركبت جنبه، وأنا متأكدة إن أجمل صدفة في حياتي… كانت حتة السبانخ اللي خلتني أقف قدام إزاز عربيته
من سنة!
تمت بحمد الله.
