شافتني، ابتسمت وقالت مبروك يا يارا. الحقيقة بشمهندس جاسر أصر إنك تكوني في مكتبه مباشرة، وده قرار نادر جدًا منه، لأنه صعب يثق في حد بسرعة.
مدتلي العقد عشان أقراه وأمضيه. وأنا بقلب في الورق، عيني وقعت على خانة المرتب… وقفت ثواني مش مصدقة اللي مكتوب! الرقم كان ضعف المرتب اللي كنت بحلم بيه لو اتقبلت في وظيفة منسقة المشروعات! غير التأمين الطبي الشامل والبدلات! حسيت إن دموعي هتفر من عيني من الفرحة. الرقم ده مش بس هيسد الإيجار والفواتير، ده هيخليني أخلص كل ديوني في كام شهر وأعيش بكرامة من غير خوف!
مضيت العقد وإيدي بتترعش من السعادة، وبعدها سارة أخدتني لجناح خاص في آخر الدور التلاتين، مقفول بأبواب إزاز مصنفر ومكتوب عليه مكتب رئيس مجلس الإدارة.
دخلنا، وكان فيه مكتب كبير وأنيق جدًا بره أوضة جاسر مباشرة، عليه شاشة كمبيوتر حديثة، وتليفون داخلي، وأجندة جلد فخمة. سارة بدأت تشرحلي طبيعة الشغل بسرعة بشمهندس جاسر منظم جدًا ودقيق لأبعد الحدود. بيوصل المكتب الساعة 915 بالظبط. قهوته بتكون على مكتبه الساعة 920… سادة، بن غامق محوج، من غير وش كتير، وفي فنجان أبيض معين هوريهولك
في البوفيه. مابيحبش التأخير، ومابيحبش الأعذار، ولو طلب ملف معين يبقى قدامه في أقل من دقيقتين.
بلعت ريقي وقلت تمام، فهمت. هو وصل ولا لسه؟ سارة بصت في ساعتها وقالت زمانه طالع في الأسانسير الخاص بيه. أنا همشي دلوقتي أروح قسمي، وربنا معاكي يا يارا… نصيحة مني، خليكِ هادية وماتتوتريش قدامه، هو بيكره التوتر.
خرجت سارة وسابتني لوحدي في المكتب. أخدت نفس عميق، رتبت الأقلام والورق قدامي، ورحت البوفيه الصغير الملحق بالجناح عشان أجهز القهوة بالمواصفات اللي سارة قالت عليها بالظبط.
الساعة جت 915… باب الأسانسير الخاص اتفتح بهدوء، ودخل جاسر الشافعي! كان لابس النهاردة بدلة سودا تفصيل، وقميص أبيض مفتوح زراره الأول، وماسك شنطة جلد سودا في إيده. هيبته كانت مالية المكان كله، لدرجة إن الهوا في الأوضة حسيته اتقل.
أول ما شافني واقفة جنب مكتبي، وقف ثانية واحدة. عينه الرمادي مسحتني من فوق لتحت بنظرة سريعة، وبعدين ابتسم ابتسامة جانبية خفيفة وقال بصوته العميق الهادي صباح الخير يا يارا. واضح إنك النهاردة ماحتاجتيش مراية العربية.
اتوترت للحظة، بس افتكرت نصيحة سارة، فحاولت أتماسك
ورديت بابتسامة رسمية صباح النور يا بشمهندس. اتعلمت الدرس من أول مرة. قهوة حضرتك جاهزة.
رفع حاجبه باستغراب لطيف، وهز راسه وقال كويس… هاتيها وتعالي ورايا عشان نراجع جدول النهاردة.
دخل مكتبه، وأنا دخلت وراه وأنا شايلة صينية القهوة وماسكه في إيدي التانية الأجندة والقلم. المكتب كان تحفة فنية، واجهة إزاز كاملة بتبص على النيل والقاهرة كلها من فوق، وأثاث مودرن هادي وأنيق.
حطيت فنجان القهوة قدامه على المكتب بهدوء. مسك الفنجان، أخد رشفة صغيرة، وبصلي بنظرة تقييم مظبوطة. مين قالك على طريقتها؟ قلت بثقة أستاذة سارة شرحتلي كل تفاصيل شغل حضرتك قبل ما تمشي.
سند ضهره على الكرسي وشبك صوابعه، وبصلي بنظرة غامضة أكيد مستغربة إني غيرت المسمى الوظيفي بتاعك، صح؟
سكت ثانية، وبعدين قررت أكون صريحة معاه بصراحة أيوة يا فندم. توقعت إني مش هتقبل أصلاً بعد الموقف اللي حصل امبارح في الشارع.
ضحك ضحكة قصيرة وهادية، وقال لو كنت بدور على موظفة مثالية پتخاف من خيالها وتتصنع قدامي، كنت عينت أي واحدة من العشرين بنت اللي عملوا الإنترفيو قبلك. بس أنا شوفت فيكي حاجتين مش موجودين في حد تاني…
أولاً، إنك
