ناحيتي، وبصلي بنظرة غامضة وقال بالتوفيق يا أستاذة يارا… وياريت تخلي بالك من تفاصيلك الصغيرة بعد كده.
وخرج وقفل الباب وراه!
فضلت قاعدة مكاني قلبي بيدق بسرعة رهيبة. كملت باقي المقابلة مع نهى وطارق وأنا حاسة إني في حلم غريب. خلصت وخرجت من الشركة وأنا متأكدة بنسبة 99 إني ضيعت الفرصة دي من إيدي للأبد.
عدى يومين… كنت قاعدة في شقتي الصغيرة براجع مصاريفي وبحسب ال 2500 جنيه اللي فاضلين معايا هيكفوني إزاي لآخر الشهر، وأنا بقلب في مواقع التوظيف بدور على أي شغلانة تانية.
وفجأة، رن تليفوني برقم أرضي غريب! رديت بلهفة ألو؟ جالي صوت بنت رقيق ورسمي مساء الخير يا أستاذة يارا، معاكي سكرتيرة بشمهندس جاسر الشافعي من شركة الشافعي للتكنولوجيا.
قلبي وقع في رجلي! سكرتيرة جاسر الشافعي شخصيًا؟ مش الموارد البشرية؟! قلت بتوتر أيوة يا فندم، أهلاً بحضرتك. قالت بشمهندس جاسر حابب يبلغك إن تم قبولك في الشركة، ومطلوب منك تحضري بكرة الساعة 9 الصبح عشان تمضي العقد وتستلمي شغلك… بس في تعديل بسيط على المسمى الوظيفي.
سألتها باستغراب وقلق تعديل إيه يا فندم؟ ردت السكرتيرة بنبرة هادية حضرتك مش هتشتغلي
منسقة إدارية للمشروعات… بشمهندس جاسر قرر يعينك سكرتيرته الشخصية ومساعدته التنفيذية في مكتبه الخاص!
اتجمدت مكاني والتليفون في إيدي! مساعدته التنفيذية؟! في مكتبه الخاص؟! يعني هكون في وشه كل يوم، من الصبح لبليل؟! يا ترى دي فرصة العمر اللي هتغير حياتي وتنقذني من الديون… ولا ده فخ نصبهولي جاسر الشافعي عشان ينتقم مني على اللي عملته قدام عربيته؟!
الفصل الثاني
طول الليل وأنا صاحية، بلف في الأوضة زي البندول، وكل شوية أبص في السقف وأقول يا ترى إيه اللي مستنيني بكرة؟! فكرة إني أكون المساعدة التنفيذية لجاسر الشافعي شخصيًا كانت مرعبة أكتر ما هي مفرحة. الراجل ده مش سهل، ونظراته في أوضة الاجتماعات كانت بتقول إنه مابينساش حاجة بسهولة. بس في نفس الوقت، لما افتكرت فواتير الكهربا، وإيجار الشقة اللي صاحب البيت بيفكر يزوده الشهر الجاي، والديون القديمة اللي لسه بسدد فيها من أيام علاج أمي الله يرحمها… عرفت إني معنديش رفاهية الرفض.
تاني يوم الصبح، صحيت بدري جدًا. المرة دي مافيش مجال لأي غلطة ولا أي عشوائية! وقفت قدام المراية نص ساعة كاملة أتأكد من كل تفصيلة. لبست بدلة فورمال
بسيطة لونها كحلي غامق، وبلوزة بيضا مكوية بعناية، ولمېت شعري كحكة مرتبة جدًا، وحطيت روج هادي جدًا… وطبعًا، غسلت سناني تلات مرات واتأكدت مليون في المية إن مافيش ولا فتفوتة أكل!
نزلت من بيتي قبل ميعادي بساعة ونص، وركبت مواصلات بدري عشان أتجنب زحمة الصبح. وصلت قدام مبنى شركة الشافعي للتكنولوجيا الساعة 830 بالظبط. وأنا داخلة من البوابة الرئيسية، عيني راحت تلقائيًا ناحية المكان اللي كانت واقفة فيه العربية المرسيدس السودا. كانت واقفة في نفس المكان! اتنفضت مكاني وبصيت ناحية الإزاز الغامق، وقلبي بيدق بسرعة، كأني خاېفة الإزاز ينزل تاني! بس المرة دي، الإزاز فضل مقفول، ومشيت بسرعة ناحية مدخل البرج وأنا حاسة إن وشي بيولع لمجرد إني افتكرت الموقف.
طلعت للدور التلاتين، وهناك استقبلتني البنت اللي كلمتني في التليفون امبارح. كانت بنت شيك جدًا وهادية، ابتسمتلي وقالت أهلاً يا يارا، أنا سارة. كنت ماسكة مكتب بشمهندس جاسر مؤقتًا لحد ما يختار مساعدة تنفيذية دائمة. تعالي معايا الأول نروح لإدارة الموارد البشرية تمضي العقد، وبعدين أوريكي مكتبك.
روحنا عند أستاذة نهى، مديرة الموارد البشرية.
أول ما نهى
